GRAZAS FAMILIAS!

NA CLASE DOS AZUIS NON PODEMOS ESTAR MÁIS LEDOS,  E NON É PARA MENOS, XA QUE CADA DÍA NOS ESTÁN CHEGANDO COUSAS NOVAS SOBRE OS SERES MITOLÓXICOS. 

ASÍ É MÁIS DOADO APRENDER, A VOSA AXUDA É FUNDAMENTAL, CONTOS, FOTOS, DEBUXOS, MÉTODOS ANTITRASNO, MURAIS, MAQUETAS,.... ESTAMOS ENCANTADOS!

MOITAS GRAZAS FAMILIAS AZUIS, UN MILLEIRO DE BICOS MÁXICOS PARA TOD@S!

BO DÍA DAS BIBLIOTECAS PARA TOD@S

HOXE TIVEMOS A NOSA PRIMEIRA ACTIVIDADE CON TODOS OS NENOS E NENAS DO COLE, E É QUE A COUSA NON É PARA MENOS...ESTAMOS DE FESTA, CADA 24 DE OUTUBRO CELÉBRASE O DÍA DAS BIBLIOTECAS ESCOLARES.
ADEMAIS COÑECIMOS A GALDIÑO, A MASCOTA DA BIBLIOTECA DO SANTA RITA.

 LEMBRADE SEMPRE QUE: "HAI GRANDES LIBROS NO MUNDO, E GRANDES MUNDOS NOS LIBROS".

BOA LECTURA A TOD@S!

XA SE ACHEGA...

HOXE FOI UN DÍA MOI ATAREFADO, TEMOS NA AULA UNHA NOVA MASCOTA QUE SE ACHEGA Á CLASE POLO SAMAÍN, UNHA MEIGA!!! PERO NON TIÑA NOME, POLO QUE ENTRE TODOS  FIXEMOS UNHA SERIE DE PROPOSTAS E, A TRAVÉS DUNHA RIGUROSA VOTACIÓN, DECIDIMOS CHAMARLLE FURIA. APROVEITAMOS XA PARA COMEZAR A DECORAR A AULA PARA ESTA FESTA E APRENDER ALGUNHAS CANCIÓNS.

PERO O DÍA NON REMATOU AÍ, ALGÚNS DOS NOSOS COMPAÑEIROS ATOPARON UNS PEQUENOS FROITOS DEBAIXO DOS CARBALLOS DO PATIO. INVESTIGAMOS QUE ERAN, QUEN AS COMÍAN E LIMOS O CONTO DE "XAIME E AS LANDRAS".                     

 

                                           

NON PARAMOS DE APRENDER COUSAS NOVAS CADA DÍA!!

OUTONO INSPIRADOR

NON PARAMOS QUIETOS, E O OUTONO INVÍTANOS A XOGAR COA SÚA PAISAXE. DESPOIS DE RECOLLER FOLLAS SECAS DOS CASTIÑEIROS DO PATIO, DECIDIMOS FACER UN MOUCHIÑO, UTILIZANDO ESTAS PARA AS ÁS.

A QUE NOS QUEDARON SIMPÁTICOS? AGORA SO NOS QUEDA POÑERLLES 

NOME!

SEGUIMOS

 RETOMAMOS O MISTERIO DA ENTRADA ANTERIOR, QUEN FOI? QUE HABÍA NA CAIXA?
FOI  CATUXA!!!!  ELA FOI AQUEL SER QUE VIMOS A TRAVÉS DO CRISTAL, AQUEL NARIZ LONGO E PELO LOIRO, E DEIXOUNOS UNHA MOREA DE COUSAS DENTRO DA CAIXA:

     - UNHA FRAUTA.
     - UNS AXOUXERES.
     - UN FERMOSO PERGAMINO ONDE NOS EXPLICABA QUE É UN TRASNO, E QUE ELA FOI A QUE ARGALLOU NA NOSA AULA ESTES DÍAS.
      - UN CONTO.
      - UN LIBRO INFORMATIVO SOBRE OS SERES MITOLÓXICOS.
     - E UNHA CARTA, TIÑA UN PROBLEMA!!, ELA E O  SEU AMIGO TUCHO (TRASNO DA AULA DOS VERDES) PERDERAN  OS SEUS GORROS DE NOITE NO CENTRO (CANDO VIÑERON A FACER AS TRASNADAS) E NON OS DABAN ATOPADO. 
COMO NON, FOMOS BUSCAR AOS VERDES E XUNTOS SAÍMOS NA PROCURA DOS MESMOS, SEGUINDO AS PISTAS QUE NOS DEIXARAN... E SABEDES A QUEN LLE FOMOS PREGUNTAR, POIS Á PERSOA QUE CHEGA DE PRIMEIRO Á ESCOLA E SE VAI DE ÚLTIMO, SI, ANTONIO!! POR SE EL VISE ALGO, E AXUDOUNOS MOITO.

E COMO NON, ATOPÁMOLOS!!!

ESTAMOS FEITOS UNS DETECTIVES ESTUPENDOS.

O QUE SI...TIVEMOS QUE PROBALOS, NON NOS POIDEMOS RESISTIR...

O NOSO MISTERIO!

QUE SEMANAS MÁIS REVOLTAS LEVAMOS... ALGUÉN REOMPEU COA NOSA TRANQUILIDADE AO DEIXAR PEGADAS NA NOSA AULA!

NON PARAMOS DE INVESTIGAR CON INTRIGA AQUEL DESCUBRIMENTO, PERO SO CONSEGUIMOS ACHEGARNOS UN POUCO Á RESPOSTA. COMPARAMOS AS PEGADAS DO CHAN, CON TODAS AQUELAS IDEAS QUE SE NOS ÍAN OCURRINDO, DENDE DINOSAURIOS, ATA VACAS E CABALOS, PROBAMOS COS NOSOS PÉS, E CON TODOS OS DAQUELES QUE SE ACHEGABAN Á NOSA CLASE, PERO NADA...
 OS DÍAS SEGUINTES A AULA APARECEU REVOLTA, LIBROS TIRADOS, GORRAS DESCOLOCADAS E INCLUSO UN NOME NA PIZARRA "CATUXA"

ATA QUE O XOVES TODO CAMBIOU, MENTRES ESTÁBAMOS METIDOS DE CHEO NO CONTO DE "COCORICO", UN SER MÁXICO E MARABILLOSO ACHEGOUSE A NOSA FIESTRA E METEUNOS UN GRANDE SUSTO.
NON CONSEGUIMOS VELO BEN, TIÑA O PELO LOIRO E RIZO, E UN GRANDE NARIZ, E DEIXOUNOS ESTA CAIXA CHEA DE COUSAS

QUE COUSAS HABÍA??QUEN A DEIXOU?? POR HOXE XA É SUFICIENTE, OUTRO DÍA SEGUIMOS PAROLANDO QUE XA É TARDE.
BOAS NOITES E BICOS MÁXICOS PARA TOD@S

BENVIDOS!

QUE BEN, XA ESTAMOS INSTALADOS E FACENDO A AULA CADA VEZ MÁIS NOSA!

DESPOIS DUN PEQUENO PERÍODO DE ADAPTACIÓN A COUSA VAI VENTO EN POPA!

ESTES DÍAS NON PARAMOS DE XOGAR, DECORAR A AULA E SOBRE TODO DE APRENDER DISFRUTANDO.

QUÉDANOS POR DIANTE UN CURSO MARABILLOSO CHEO DE GRANDES SORPRESAS E AVENTURAS,  

COMEZAMOS?